Sumartónleikar í Skálholti

Á tónleikum Elju verður andlega hliðin innan heims nútímatónlistar skoðuð. Á efnisskránni eru verk eftir Báru Gísladóttur, Bergrúnu Snæbjörnsdóttur, Dobrinku Tabakovu, Guðmund Stein Gunnarsson og Tatjönu Kozlova-Johannes. Verkin sem flutt verða eru ólík en gera hvert og eitt grein fyrir innri ró, hvert á sinn hátt. Titilverk tónleikanna er „Eftir ólíkum leiðum“ eða „Such Different Paths“ á frummálinu eftir Dobrinku Tabakovu, búlgarskt tónskald en búsett í Lundúnum. Einnig munum við heyra frumflutning af verki „Í skuggsjá vængja þinna“ eftir Guðmund Stein sem er sérstaklega pantað fyrir hátíðina. ​

Efnisskrá:

Guðmundur Steinn Gunnarsson – Í skuggsjá vængja þinna (frumflutningur)
Tatjana Kozlova-Johannes – Lovesong (2010)
Bára Gísladóttir – the worlds within our petty voids (2019)
Dobrinka Tabakova – Such Different Paths (2007/2008)
Bergrún Snæbjörnsdóttir – Skin in (2018)